MIRROR成員呂爵安（Edan）、王智德（Alton）及邱士縉（Stanley）參演的電視劇《I SWIM》昨晚（7.11）首播，Edan大爆原來他不是角色（C班游泳隊隊長 李馬榮）的首選，雖然人物既不搞笑又不似自己性格，他勇於跳出舒適圈，接受考驗，挑戰自己。而對於被指「下弦」拍劇機會和戲份較少，Stanley認同「上弦」是票房保證，自己在演戲上需要更多的經驗，自我消化、沈澱，而Alton稱心態調節比一切來得重要。
同場加映：吳君如Edan挑戰破億票房 ERROR燈牌越來越大：做壞規矩
I SWIM今晚首播丨Edan首日拍攝熱身暈低嚇死導演 Jeffrey為角色操走啤梨肚兼脫毛【下一頁】
ViuTV繼《男排女將》後，再次以運動為主題推出劇集，幾位男主角半裸上陣玩「落水」，Edan說：「運動題材好好，順便有機會可以強身健體，平時冇乜時間運動或者操肌，當學識多一樣嘢，挑戰自己。我原本係冇出過海游水，對上一次已經係中學，掂唔到地我一定要搵嘢扶，劇入面要潛到水底再擘大眼，真係成就解鎖。(唔去海灘點溝女？）溝女一定要識游水咩？」
Edan透露李馬榮一角幾乎是「零」搞笑，跟以往在《大叔的愛》的田田完全不同，大爆自己不是角色的首選，「觀眾一定覺得好唔同，本身第一次試鏡後，係冇諗住搵我拍《I SWIM》，而我心態都係覺得《季前賽》啱我多啲，點知劇組搵咗一輪都未搵到最合適人選，叫我再試鏡多次，先決定搵我做。」坦言由於角色跟他本身性格相差甚遠，事前都有跟經理人花姐（黃慧君）商量，花姐一度擔心Edan沒時間操肌練水，又怕他演不好會影響其前途，Edan說：「我覺得既然機會嚟到就要試，唔可以因為怕做得唔好就唔去試，怕就乜都唔使做啦！試完之後，我係慶幸當初接咗呢份工作，呢個角色，好好玩而且有挑戰性，對我演戲路有所啟發。」
Stanley和Alton（A班游泳隊隊長 黃亞樂／隊員 羅力森）分別31和32歲，坦言拍劇前去試身才是最難忘，Stanley說：「真係倒抽一口涼氣，好在得兩場校服戲，其他都係泳裝，一望到自己著校服，再睇吓啲紋身，唉...（以後唔再演中學生？）如果正劇要演中學生就真係唔好喇！大學生都還可以。」Alton認為游水主題的劇集是留給自己的一個紀念，下次未必可以再演學生。他在劇中跟Stanley亦敵亦友，有不少「感情戲」，其中一場Alton的情感爆發，令Edan和Stanley動容，齊齊演到眼濕濕，著觀眾一定要期待和收看。
I SWIM丨王智德Alton@MIRROR曬合照搵前港隊女飛魚教水 泳裝用Emoji遮對手惹蛋白粉追問【下一頁】
提到隊友邱傲然（Tiger）早前在公開活動中自認MIRROR的「下弦」份子，指大部分戲劇演出都以「上弦」為人選，他要更主動力爭工作機會。對此，三子有不同的想法，拍劇經驗豐富的Stanley說：「呢啲嘢係好現實嘅，我明白，『上弦』孭到票房呀嘛！自然可以說服投資者，好正常。我繼續沈澱感受，鑽研自己演技，有機會咪做好件事。好慶幸公司一直都有劇畀我拍，試唔同嘢，我比Edan好彩，我有得試，佢冇得試就要去做喎！」他坦言拍攝《野人老師》時是第一次擔正，令他背負不少壓力，擔心演不好就再沒有機會，他說：「我一直有回顧自己每一步嘅決定……到底啱唔啱？我覺得而家條路都幾啱我，大家都認同我做嘅嘢。演戲真係要沈澱先有戲味，老前輩一個眼神就已經交到戲，正正因為佢哋有歷練。」
同時，Alton認為「下弦」擁有的其實都不少，有很多曝光的機會，「下弦」不會因為位置的關係而撓埋雙手不做，「將比較放喺自己身上，而唔好放喺人哋度，一係就比個遠啲嘅，同湯告魯斯比！我哋要識得調節心態，一擺錯咗位，自己就會唔開心。」Edan雖然是「上弦」一份子，但他認為只是時機的問題，MIRROR十二子各有才華，大家都等待發光發亮的機會，「我好彩遇上《大叔的愛》，之後有好多機會，我深信大家都係等緊一個機會畀觀眾去睇到、認同。我相信將來一定有更多機會，我哋十二個冇分上下！」
化妝：Giann Cheung、Cori Wong @Annie G. Chan Makeup Centre
髮型：Man Chan、Jeff Wan @CHIC Private i SALON
服裝：Tom Ford, Sacai, Burberry, Polo Ralph Lauren, Brunello Cucinelli, Giuseppe Zanotti, Bulgari, Messika
造型：PIPA Creative
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
攝影：馮凱宜
責任編輯：楊安莉